بسم الله الرحمن الرحيم . أولا السلام عليكم ورحمة الله وبركاته أخوانى وأ خواتى
الأعزاء اعضاء ماى ايجى . تم عمل هذا الموضوع لكثرة الأسئلة التى تطلب بمعرفة كل او
بضعة اشياء من طريقة عمل المواضيع . لذلك فأنا قررت ان اعمل موضوع واحد يغطى طريقة
عمل المواضيع فى ماى ايجى من البداية حتى النهاية ولأن الموضوع طويل لن اكثر من
الكلام وسأبدأ مباشرة......
أولا كيف نضع حقوق النسخ لماى ايجى "حقوق النسخ هى
عبارة عن ملفين يثبتان ملكية المواضيع والملفات لماى ايجى" اولا سوف تصنع اختصار
لصفحة ماى ايجى الرئيسية وعشان الموضوع ميستهلش نزله من هنا
الملف الثانى حيكون
عبارة عن ملف تكست ممكن يكون بالشكل ده ولكن براحتك اكتبه زى ما انت عايز طالما
يبقى فيه عنوان ماى ايجى
الملفين المفروض يبقوا كده
دلوقتى بقه نيجى للضغط والتقسيم اولا بيبقى عندك وينرار لو مش عندك نزله من
هنا
حتضغط كليك يمين على الفولدر الى فيه الملف الى حترفعه وبعدين تمشى زى
الصورة
لازم برضه تكتب حقوق المنتدى فى الأسم
ده المكان الى بتحدد فيه عايز التقسيم يبقى بمساحات اد ايه التقسيم بالبايت
وعشان كده 200 ميجا بيساوى الرقم الى قدامك ده. بس برضه ممكن تكتب 200 وجنبها mb او
لو عايز ترفع 1 جيجا بتكتب 1 وجنبه gb
ده بقه اسمه "recovery record" وده عبارة عن عمل ملف لاصلاح الارشيف لو باظ بسبب
اى حاجة زى ما سيرفر ميديا فير بيبوظ الارشيفات وده بيتحط عشان الشخص مينزلش الملف
اكتر من مرة ... بيتم وضعه برغبة من صاحب الموضوع ليس اجبارى
وهنا عشان تحدد نسبة ملف الاصلاح والافضل هى 10
كده تمام وملفات التقسيم قدامك وشايف ان مساحتهم كلهم 195 ميجا ودى يعنى 200
والى فاضل بيتحط فى الملف الاخير
دلوقتى نيجى للرفع الرفع ليه طرق ملهاش حصر بس افضلها بأتفاق من كلا من
الأعضاء والمشرفين هو برنامج صغير جدا ومجانى اسمه الفايل أبلودر لتحميله
اضغط هنا
بعد ما بتفتحه بتضغط على علامة + عشان تبدأ تختار الملفات الى حترفعها
بعد متدوس open حتظهرلك دى السهم الصغير الى جنب المربع الأخضر عشان تختار السيرفر الى حترفع عليه
طبعا ممكن تستعمل الحساب بتاعك على السيرفر من خلال عمل صح فى use account
وممكن تختار عدة سيرفرات لتحميل نفس الملف عليهم من خلال عمل صح على Multi
select طبعا لازم تأخد بالك من المعلومات الى مكتوبة عن السيرفر على
اليمين لأنه ممكن يكون الحد المسموح به للملفات اقل من الى انت رفعه .
دلوقت بعد ما حددت السيرفر الى حترفع عليه بتسيبه لغاية ميخلص خالص
وده مثال بعد ما اكتمل الرفع وعشان تاخد اللينك بتعمل زى فى الصورة
الخطوة التالية هى حماية اللينكات "حماية اللينكات هى مواقع بتحول اللينكات
الطويلة المباشرة لسيرفر التحميل الى لينكات قصيرة غيرة مباشرة والغرض هو
حماية المواضيع من النقل"
من اشهر مواقع حماية اللينكات والى معظم اعضاء ماى ايجى بيستعملوها هو موقع takemyefile.com
ولعمل حماية لللينكات بتفعل الأتى اولا المفترض انك معك قائمة بكل اللينكات
الى رفعتها " بغض النظرعلى اى سيرفر رفعتها" بتعمل نسخ لكل لينك على حده "
ده بقى الجزء الطوييييل فى عمل المواضيع الى فيها ملفات كتير"
وبتاخد اللينك وبتحطه زى الصورة
وبعدين بتضغط protect link&make it short
بتجيلك صفحة بتقولك تم الحماية بنجاح بتاخد اللينك كوبى وبتعمل قايمة تانية
بتحط فيها اللينكات الى حتحطها فى الموضوع "اللينكات المحمية"
